Bhool gaye afsany kitny
Bikhre khwab suhany kitny
Dil to hy ik khwab jazeera
is me hen veerany kitny
Do ankhen hen sagar teri
Un me hen mey_khany kitne
Saqi ne jab aankh milai
Toot gaye pemane kitne
Shamma to ik rat jali thi
Jal gaye thy prwaney kitny
Apno ki tum bat na chherro
Apne hen be'gane kitne
Jangal jangal ronaq dekhi
Shehron me veerany kitne
Mujko mujse chheen k torra
banty ho anjane kitne..
No comments:
Post a Comment